Пешаход загінуў на дарозе. Паўтара года таму яго аштрафавалі ў тым жа месцы за парушэнне правілаў руху
У Смалявіцкім раёне на трасе Брэст — Мінск — мяжа РФ 64-гадовы кіроўца «Крайслера» наехаў на пешахода, які выйшаў на праезную частку з-за машыны, што стаяла на правай абочыне.
29.01.2023 / 10:39
У выніку 47-гадовы пешаход загінуў на месцы.
Як паведамляе УУС Мінскага аблвыканкама, загінулы ў жніўні 2021 года прыцягваўся да адміністрацыйнай адказнасці паводле ч. 1 арт. 18.20 КаАП (парушэнне правілаў дарожнага руху пешаходам). Прычым на гэтым жа ўчастку дарогі.