Biełaruś uvajšła ŭ trojku najbujniejšych kupcoŭ nieapracavanaj draŭniny ŭ Rasii
Na fonie padzieńnia ŭ 2022 hodzie impartu «kruhlaka» inšymi krainami Biełaruś naraściła zakupki na 18% da 241,63 tysiač kubamietraŭ, paviedamlaje Raślesinfarh.
27.01.2023 / 15:22
Pieršaje miesca zaniaŭ Kitaj — jon impartavaŭ z Rasii 2,25 młn kubamietraŭ nieapracavanaj draŭniny. Heta 59% ad ahulnaha abjomu. U paraŭnańni z 2021 hodam padzieńnie impartu skłała 63%.
Na druhim miescy ŭ razrezie ŭsich krain pa abjomach impartu rasijskaj nieapracavanaj draŭniny znachodzicca Finlandyja. Pa vynikach hoda jana impartavała 789,31 tysiačy kubamietraŭ, što na 84% nižej, čym u 2021 hodzie.
Prodažy rasijskaj nieapracavanaj draŭniny za miažu ŭ paraŭnańni z 2021 hodam upali na 70% da 3,8 młn kubamietraŭ. Padzieńnie źviazanaje z uviadzieńniem z 1 studzienia 2022 hoda abmiežavańnia ekspartu kruhłaha lesu ihličnych i kaštoŭnych liścianych parod dla stymulacyi raźvićcia hłybokaj pierapracoŭki draŭniny ŭnutry krainy.