Pucin adpraŭlaje na vajnu zekaŭ, a paśla vyzvalaje ich sakretnymi ŭkazami
Adkazvajučy na pytańnie žurnalistaŭ BBC pra toje, na jakich padstavach źniavolenych adpraŭlajuć u zonu bajavych dziejańniaŭ, pres-sakratar prezidenta Rasii Dźmitryj Piaskoŭ adkazaŭ nastupnym čynam:
27.01.2023 / 14:12
«Ja nie mahu ničoha kazać pra ŭkazy. Vy viedajecie, što isnujuć ukazy adkrytyja, isnujuć ukazy z hryfam sakretnaści, tamu pra ŭkazy ja ničoha nie mahu kazać. Ale ja sapraŭdy mahu paćvierdzić, što ŭsia pracedura pamiłavańnia ažyćciaŭlajecca ŭ strohaj adpaviednaści z rasijskim zakanadaŭstvam», — zajaviŭ Piaskoŭ.
Pa roznych acenkach, na vajnu va Ukrainu adpravili kala 40-50 tysiač źniavolenych rasijskich turmaŭ, u tym liku asudžanych za ciažkija i asabliva ciažkija złačynstvy. Praz paŭhoda ŭdziełu ŭ PVK «Vahnier» im abiacajuć pamiłavańnie.