Pradstaŭnik ES raskazaŭ, jakija zastalisia instrumienty dla vyzvaleńnia biełaruskich palitviaźniaŭ
«Pytańnie vyzvaleńnia palitviaźniaŭ u Biełarusi — a heta bolš za 1440 čałaviek — vielmi važnaje dla ES, i my nadajom jamu pilnuju ŭvahu», — zajaviŭ DW Piter Stana, aficyjny pradstaŭnik ES pa źniešniepalityčnych pytańniach. Pavodle jaho, u rasparadžeńni Jeŭrasajuza jość niekalki instrumientaŭ.
24.01.2023 / 12:12
Skryn videa
Piter Stana u intervju DW na pytańnie pra palitviaźniaŭ u Biełarusi adkazaŭ, što ŭ Jeŭrasajuzie nadajuć hetamu pytańniu pilnuju ŭvahu, bo «heta źjaŭlajecca adlustravańniem i ilustracyjaj šyrokamaštabnych represij, jakija režym Łukašenki vykarystoŭvaje suprać ułasnaha nasielnictva».
Piter Stana kaža, što ES nie tolki ŭvažliva sočyć za hetym, ale i «prymaje miery i reahuje».
Pavodle jaho słovaŭ, u rasparadžeńni ES jość niekalki instrumientaŭ. Siarod ich jon nazyvaje sankcyi suprać tych, chto čynić abo padtrymlivaje represii, uklučajučy sudovuju ŭładu. Ale ŭ ES razhladajuć i «inšyja miery». Stana nie ŭdakładniŭ, jakija mienavita.
Ale jon adznačyŭ, što krainy ES uzajemadziejničajuć ź mižnarodnymi partniorami, kab «uzmacnić i pavysić palityčny cisk na režym Łukašenki z metaj vyzvaleńnia hetych ludziej».
«My vykarystoŭvajem usie najaŭnyja ŭ našym rasparadžeńni instrumienty, uklučajučy asudžeńnie i abmiežavalnyja miery, kab reahavać, i budziem praciahvać heta rabić», — skazaŭ aficyjny pradstaŭnik ES pa źniešniepalityčnych pytańniach.
Stana zajaviŭ, što ES zaklikaje režym Łukašenki nieadkładna vyzvalić palityčnych źniavolenych i nie praciahvać represii.