СК распавёў падрабязнасці жудаснага ДТЗ, у якім трое дзяўчат згарэлі зажыва
Ноччу 29 лістапада легкавік Audi на высокай хуткасці вылецеў у кювет і загарэўся пасля сутыкнення з дрэвам.
23.01.2023 / 17:01
На месцы загінула кіроўца і дзве пасажыркі: 19 і 24 гадоў. Яшчэ адной маладой дзяўчыне выратавала жыццё тое, што яе выкінула з аўтамабіля.
Як пасля высветлілася, дзяўчаты перад трагічнай паездкай выпівалі і пасля вырашылі паехаць на АЗС за алкаголем. Іх мусіў адвезці цвярозы знаёмы, але дзяўчаты яго не дачакаліся.
У 2:42 у Чавускі аддзел МНС паступіў званок: дзяўчына ў шоку тлумачыла, што аўтамабіль, у якім яна знаходзіцца разам з сяброўкамі, гарыць і яны не могуць з яго выбрацца, таму што ўсе дзверы заблакаваныя. Аднак падрабязна расказаць, дзе знаходзіцца месца аварыі, пасажырка не змагла.
Пазней экспертыза ў крыві загінулай кіроўцы выявіла 2,5 праміле алкаголю. Перад ДТЗ машына рухалася з хуткасцю 120 км/г.