Recept na vychadnyja. Sous ramieska ažyvić lubuju stravu
Majecie krychu čerstvaha chleba i niaśviežuju harodninu ŭ chaładzilniku? Zhatujcie z hetych praduktaŭ ispanski sous ramieska. Jon pasuje amal da luboj ježy, asabliva da harodniny hryl, ryby, kurycy ci baraniny.
29.01.2023 / 10:01
Kuryca z sousam ramieska. Fota: flickr.com
Kab zhatavać sous ramieska, vam spatrebicca:
- kala 100 mililitraŭ aleju, najlepš kali aliŭkavaha + jašče trochi
- kavałki čerstvaha chleba
- 25 hramaŭ mindalu, funduku abo kiedravych arechaŭ
- 1 čyrvony pierac (pačyścicie jaho ad pładanožki i nasieńnia i bujna narežcie miakać)
- 1 vialikimi kavałkami narezany pamidor
- 1 maleńkaja čyrvonaja ci biełaja cybulina (abłupicie jaje i narežcie vialikimi kavałkami)
- 2 zubki časnaku (ačyścicie i narežcie taksama vialikimi kavałkami)
- 2 stałovyja łyžki mołataj papryki
- kajenski (čyrvony) pierac — na smak
- 1 stałovaja łyžka čyrvonaha vinnaha, biełaha vinnaha ci jabłyčnaha vocatu
- sol i čorny pierac
- Vylicie dźvie stałovyja łyžki aliŭkavaha aleju na patelniu i pastaŭcie jaje na siaredni ahoń. Kińcie tudy chleb i arechi, trochi absmažcie ich da załacista-karyčnievaha koleru, pieryjadyčna pamiešvajcie. Pierakładzicie ŭsio ŭ błendar ci kuchonny kambajn.
- Viarnicie patelniu na ahoń. Dadajcie tudy jašče dźvie stałovyja łyžki aleju, narezany čyrvony pierac, pamidor i cybulu. Smažcie harodninu 8 chvilin ci pakul nie vyparycca lišniaja vilhać. Dadajcie časnok, hatujcie jašče 2 chviliny, potym dadajcie papryku i kajenski pierac. Hatujcie sumieś jašče chvilinu, potym dadajcie jaje da chleba i arechaŭ u čašy kuchonnaha kambajna ci błendara.
- Ulicie ŭ sumieś vocat i ŭźbivajcie jaje, pakul sous nie stanie adnarodny. Dadajcie jašče aliŭkavaha aleju na smak, prypraŭcie sołlu i čornym piercam. Možna padavać.