Polšča aficyjna zaprasiła zhodu Hiermanii na pastaŭki Ukrainie tankaŭ Leopard-2
Polšča padała aficyjnuju zajaŭku Hiermanii, u jakoj prosić Bierlin uchvalić pieradaču Ukrainie tankaŭ Leopard 2, jakija znachodziacca ŭ rasparadžeńni krainy.
23.01.2023 / 15:46
Varšava daŭno prosić Bierlin — vytvorcu tankaŭ — dać svaju zhodu, jak taho patrabujuć praviły NATA pa pieradačy ŭzbrajeńniaŭ.
Polskija ŭłady i inšyja sajuźniki pa aljansie raźličvali, što pytańnie vyrašycca padčas čarhovaj sustrečy kantaktnaj hrupy «Ramštajn» u minułuju piatnicu.
Ale Bierlin znoŭ nie daŭ stanoŭčaha adkazu. Choć heta pieršy aficyjna aformleny zapyt Varšavy, jon maje chutčej simvaličnaje značeńnie.
Premjer-ministr Polščy Matevuš Maraviecki zajaviŭ u paniadziełak, što Varšava moža pastupić pa svaim mierkavańni pry lubym adkazie niamieckich uładaŭ. U minułyja vychadnyja Maraviecki taksama zajaviŭ, što Polšča maje namier sabrać kaalicyju z krain NATA, jakija taksama majuć tankami Leopard 2 i hatovyja pieradać ich Kijevu biez adabreńnia Bierlina.