Выдавецтва «Янушкевіч» анансавала выхад новай кнігі
31 студзеня «Янушкевіч» выдасць знакаміты раман польскага пісьменніка Шчэпана Твардаха «Кароль» у перакладзе Міколы Раманоўскага.
23.01.2023 / 08:37
«Твардах сёння — ключавая фігура сучаснай польскай літаратуры. Яго феномен выяўляецца ў рэдкім спалучэнні — шалёнай папулярнасці яго твораў, кожны з якіх становіцца медыйнай з’явай і, з іншага боку, высокай планкай самой літаратуры — сюжэт, стыль, лексіка тут на такім узроўні, што ловіш самы сапраўдны мастацкі кайф», — анансуе выхад перакладу выдавецтва.
Там таксама адзначаюць, што кніга праз абставіны не выйдзе ў Беларусі. Нядаўна «Янушкевіч» у судовым парадку быў пазбаўлены ліцэнзіі.