У «экс-Кемпінскі» адкрыўся французскі рэстаран. Што ў меню і якія цэны?
На першым паверсе будынка, які калісьці ўзводзіўся пад гатэль «Кемпінскі», а цяпер стаў Збербанкам, нядаўна адкрыўся французскі рэстаран Le cro cro. Журналісты Onlíner схадзілі яго затэсціць.
22.01.2023 / 18:31
У рэстаране камерная атмасфера і прыемнае прыглушанае святло. Акцэнтам у бэжава-залатым інтэр'еры выступае каляровая абстрактная карціна.
У меню — французскія стравы і міжнародныя.
Цэны, адзначае Onlíner, вырастуць пасля тэставага рэжыму. Пакуль супы тут падаюць за 12—15 рублёў, асноўныя стравы — ад 25. Скумбрыя са спаржай і соусам пекарына каштуе 26 рублёў, качка са шпінатам і мусам пармезан абыдзецца ў 33 рублі.
Цыбульны суп
Дэсерты — па 14—15 рублёў.Тут ёсць лімонны тарт з цытрусавым сарбетам, крэм-бруле, шакаладны фандан з ванільным марожаным.
Крэм-бруле