Padtoplivaje Homielščynu, prablemy ŭ 13-ci rajonach
U 13 rajonach Homielskaj vobłaści i Homieli zarehistravanyja padtapleńni tałymi i pavodkavymi vodami, raskazaŭ načalnik abłasnoha ŭpraŭleńnia MNS Siarhiej Dzičkoŭski. U vadzie ciapier 169 padvorkaŭ, 18 damoŭ, 4 padvały, 60 haspadarčych pabudoŭ, 9 učastkaŭ daroh i 61 niežyły abjekt, leciščy.
22.01.2023 / 16:28
Fota: sb.by
Najbolš vysoki ŭzrovień vady ciapier trymajecca na Prypiaci ŭ Mazyrskim rajonie, dzie norma pieravyšanaja na 133 santymietry.
Praŭda, čynoŭnik ad MNS zapeŭnivaje, što žycciezabieśpiačeńnie nasielnictva pakul nie parušana, prajezd aŭtatranspartu ŭsiudy mahčymy, paciarpiełych niama. Viadziecca manitorynh hidrałahičnaj abstanoŭki.
Tym nie mienš, pavodle słoŭ Dzičkoŭskaha, u Homielskaj vobłaści sioleta mahčymaja mocnaja pavodka. U rehijonie jany zdarajucca akurat raz na dziesiać hadoŭ, a raniej fiksavalisia ŭ 2013 i 2003 hadach.