Prezident Małdovy: Kraina moža ŭstupić u vajskovy błok
Małdova ŭ suviazi z vajennymi dziejańniami va Ukrainie abdumvaje mahčymaść pierahledzieć pytańnie ab svaim niejtralitecie i ŭstupleńni ŭ vajskovy błok.
21.01.2023 / 16:23
Fota: Yohan Valat, Pool via AP, File
Pra heta ŭ intervju Politico skazała prezident Respubliki Maja Sandu.
Adkazvajučy na pytańnie ab mahčymym ustupleńni krainy ŭ NATA, Sandu zajaviła, što Kišynioŭ pakul abdumvaje svoj nastupny krok, a taksama nieabchodnaść papravak u Kanstytucyju.
«Ciapier idzie surjoznaje abmierkavańnie našaj zdolnaści abaranić siabie, ci možam my zrabić heta sami abo nam varta stać častkaj bolš bujnoha aljansu», — skazała małdoŭski lidar.
«I kali ŭ niejki momant my, jak nacyja, pryjdziem da vysnovy, što nam nieabchodna źmianić naš niejtralny status, heta pavinna adbycca praz demakratyčny praces», — adznačyła jana.