U Minsku adkryłasia pieršaja krama pa prodažy biełaruskich noŭtbukaŭ
Handlovy paviljon pa prodažy noŭtbukaŭ biełaruskaj vytvorčaści pačaŭ pracu ŭ Minsku ŭ handlovym centry «Stalica» — heta pieršy fizičny handlovy punkt, u jakim možna nabyć pradukcyju pad brendam H-book, paviedamlaje Myfin.by.
19.01.2023 / 15:02
Fota: Minharvykankam
Kiraŭnik departamienta kampjutarnaj techniki AAT «Kirujučaja kampanija chołdynha «Haryzont» Raman Ščapakin zapeŭniŭ žurnalistaŭ, što pa jakaści i pradukcyjnaści ajčynnaja technika navat pieraŭzychodzić padobnyja madeli najlepšych suśvietnych brendaŭ. Jon taksama padzialiŭsia paramietrami noŭtbuka: vaha — 1,8 kh, pamier ekrana — 15 calaŭ, pieryjad aŭtanomnaj pracy — da 8 hadzin.
Cana — 1599 rubloŭ. Pa jaho słovach, jana «rekamiendavana vytvorcam i adzinaja dla ŭsiaho rynku».
Vypusk biełaruskich noŭtbukaŭ płanavali pačać na pradpryjemstvie «Haryzont» u listapadzie 2022 hoda, adnak start vytvorčaści pryjšłosia pieranieści na miesiac. Raniej paviedamlałasia, što pieršapačatkova ŭ ajčynnym partatyŭnym kampjutary budzie kala 12% kampanientaŭ biełaruskaj vytvorčaści, ale z časam ich dola moža vyraści da 35%.