Załužny ŭpieršyniu asabista sustreŭsia z hienierałam Markam Mili
Hałoŭnakamandujučy USU Valeryj Załužny paviedamiŭ, što siońnia ŭ Polščy adbyłasia jahonaja pieršaja asabistaja sustreča sa staršynioj Abjadnanaha kamiteta načalnikaŭ štaboŭ ZŠA hienierałam Markam Mili.
17.01.2023 / 19:23
Pavodle Załužnaha, jon «padziakavaŭ hienierału Mili za niepachisnuju padtrymku i dapamohu, akazanuju Złučanymi Štatami i sajuźnikami Ukrainie», a taksama
«paznačyŭ nadzionnyja patreby Uzbrojenych sił Ukrainy, zadavalnieńnie jakich paskoryć našu pieramohu».
Jak i asabisty vizit Zialenskaha ŭ ZŠA, fakt hetaj sustrečy treba razumieć jak demanstracyju taho, što amierykanska-ŭkrainskaje vajskovaje supracoŭnictva vychodzić na novy ŭzrovień.
Adnačasova heta byŭ i pieršy, prynamsi, aficyjna zaśviedčany, vypadak ad pačatku šyrokamaštabnaj ahresii Rasii suprać Ukrainy, asabistaha vyjezdu hałoŭnakamandujučaha USU za miežy Ukrainy.