«Белавія» абвясціла новы распродаж квіткоў
Авіякампанія «Белавія» запусціла распродаж квіткоў па некалькіх напрамках. Інфармацыя пра гэта з'явілася ў яе тэлеграм-канале.
17.01.2023 / 17:25
Па іншых краінах ёсць прапановы ў Кутаісі — ад 218 еўра, а таксама ў Баку — ад 303 еўра за квіткі ў абодва бакі.
На рэйсы ў Стамбул квіткі таксама прадаюць са зніжкай — ад 311 еўра ў абодва бакі.
У Астану самая танная прапанова абыдзецца ў суму ад 336 еўра.
У Расію, паводле ўмоў акцыі, можна злётаць са зніжкай толькі ў Санкт-Пецярбург. Квіткі туды і назад будуць каштаваць ад 99 еўра.
У авіякампаніі дадалі, што інфармацыя аб колькасці білетаў з дысконтам мяняецца. Актуальныя цэны раяць глядзець на сайце «Белавія».