На волю выйшаў палітвязень Аляксандр Бычкоўскі
З 3 ліпеня 2021 года Аляксандр Бычкоўскі адбываў тэрмін у круглянскай ПУАТ-46. Нядаўна ён выйшаў на волю, адбыўшы ў зняволенні паўтара года, паведамляе «Вясна».
15.01.2023 / 19:43
Аляксандр Бычкоўскі — жыхар Ельска, асуджаны на год і шэсць месяцаў абмежавання волі з накіраваннем у папраўчую ўстанову адкрытага тыпу («хімія»). Яго прызналі вінаватым у абразе прадстаўніка ўлады (арт. 369 КК). Паводле матэрыялаў справы, мужчына эмацыйна выказаў сваё меркаванне пра кіраўніка Дзяржынскага РАУСа Мінскай вобласці Яўгена Жылінскага пад адным з пастоў у «Аднакласніках».