Генпракуратура накіравала ў суд крымінальную справу супраць Цапкалы
Валерыю Цапкалу інкрымінуюць 8 артыкулаў Крымінальнага кодэкса, як палітычнага, так і эканамічнага характару.
12.01.2023 / 16:48
Сярод іншага Цапкалу закідаюць атрыманне хабару ў асабліва буйным памеры. Нібыта, калі ён быў дырэктарам адміністрацыі Парка высокіх тэхналогій, атрымаў хабар у памеры звыш 151 тыс. еўра за выбар пэўнага суб'екта гаспадарання генпадрадчыкам па будаўніцтве аб'екта ПВТ і заключэнне адпаведнай дамовы.
Пры накіраванні справы ў суд Генпракуратура заявіла пазоў аб пакрыцці маёмаснай шкоды на суму больш за 6 тысяч рублёў — у інтарэсах дзяржаўнай установы «Адміністрацыя Парка высокіх тэхналогій».
Паколькі Цапкала знаходзіцца за мяжой, суд супраць яго будзе завочным.