Na miežach ź ES całkam źnikli čerhi z hruzavikoŭ. U čym pryčyna?
U druhoj pałovie śniežnia na miežach Biełarusi i ES źbiralisia šmattysiačnyja čerhi z hruzavikoŭ. Z 2-4 studzienia čerhi ź vielikahruzaŭ źnikli, a voś ź lehkavikoŭ — nie.
12.01.2023 / 16:23
Pa stanie na 14 hadzin 12 studzienia, na miežach Biełarusi i ES całkam adsutničajuć čerhi z hruzavikoŭ. Apošni raz u hetym miesiacy kiroŭcam vielikahruzaŭ davodziłasia stajać u čarzie na vyjezd 2-4 studzienia. Hety pry tym, što ŭ pikavyja dni śniežnia vyjezdu ź Biełarusi ŭ ES čakała bolš za 5000 fur. Tady kiroŭcy byli vymušany tydniami bavić čas na miažy.
Skrynšoty: gpk.gov.by
Pa niekalki sutak davodziłasia stajać navat tym, chto mieŭ propusk dla pazačarhovaha prajezdu.
Śpiecyjalisty pa mižnarodnych hruzapieravozkach źviazvajuć takuju situacyju vyklučna ź siezonnaściu. U studzieni mnohija kampanii iduć u adpačynak, tavarazvarot padaje, a razam ź im padajuć frachty. Za pieršy tydzień novaha hoda jany źnizilisia na 30-40% u paraŭnańni sa śniežniem.
Kali nie adbudziecca hłabalnych źmien, to ŭžo z nastupnaha miesiaca trafik pačnie pavialičvacca, razam ź im buduć raści taryfy na pieravozku i čerhi na miežach.