Rasija pajšła na novy šturm Saladara
Pra toje, što rasijanie pačali šturmavać horad Saladar z novym impetam, paviedamiła namieśnica ministra abarony Ukrainy Hanna Malar.
09.01.2023 / 19:37
Pavodle słoŭ vajskovaj čynoŭnicy, paśla niaŭdałaj sproby zachapić horad i adstupleńnia, rasijanie pierahrupiravalisia, adnavili straty, pierakinuli dadatkovyja šturmavyja atrady i pačali mahutny šturm.
«Rasijanie litaralna nastupajuć pa trupach svaich sałdat, masava vykarystoŭvajuć artyleryju, RSZA i minamioty, nakryvajučy ahniom navat svaich sałdat.
Žorstkija bai iduć prosta ŭ hetyja chviliny», — paviedamiła Malar.