У гродзенскай турме памёр мастак Руслан Карчаулі
Пра смерць Руслана Карчаўлі паведаміў у фэйсбуку музыка Алесь Дзянісаў, фронтмэн гурта «Дзецюкі» і сузаснавальнік гуртоў «КальЯн» і «Людзі на балоце».
08.01.2023 / 17:54
«Пайшоў з жыцця наступны гарадзенскі нефармал. Руслан «Руслапас» Карчаулі. Памёр у гарадзенскай турме. Узялі і пасадзілі за марыхуану. Не зрабілі добрага агляду. Памёр ад пнеўманіі», — паведаміў Дзянісаў.
Паводле яго, у 1999 годзе Руслан рабіў для гурта «Кальян» вокладку да альбома «Б.Н.».
Таксама Руслан рабіў лога для гурта WAKE UP і фота для гурта «Раса летуценнікаў».
Руслану Карчаулі было 50 гадоў. Калі дакладна ён трапіў за краты, невядома. Апошні пост Руслана ў інстаграме быў зроблены 23 кастрычніка 2022 года. А памёр ён 5 студзеня.