Уначы Беларусь накрые атмасферны фронт
У 21:00—22:00 да заходніх межаў краіны падыдуць ападкі цёплага фронту цыклону «Н». Па поўначы чакаецца снег, па паўднёвым захадзе — дождж.
04.01.2023 / 14:08
У Мінску снег з дажджом чакаюцца пасля поўначы, паведамляе тэлеграм-канал «Надвор'е». Раніцай магчымы моцны снег.
За атмасферным фронтам прыйдзе і пахаладанне.
Самая халодная ноч будзе з 6 на 7 студзеня. Чакаецца -25° на поўначы і ўсходзе Беларусі. У Мінску можа быць -20°. На паўднёвым захадзе будзе цёпла -5..-10°.
Аднак маразы толькі на пару дзён. Ужо 9 студзеня з паўднёвага захаду пачне рухацца цяпло, паступова выцясняючы холад на ўсход.