Biełarus musiŭ syhrać z čempijonam śvietu pa šachmatach, a toj katastrafična spaźniŭsia na hulniu. Čym skončyłasia partyja?
U Ałmaty prachodziŭ čempijanat śvietu pa blicy. U im udzielničaŭ i biełaruski hrosmajstar Uładzisłaŭ Kavaloŭ. U pieršym tury jaho čakała hulnia suprać čempijona śvietu Mahnusa Karłsena. Ale zdaryłasia niečakanaść: narviežac pryjechaŭ na partyju ŭsiaho za 30 siekund da jaje kanca.
30.12.2022 / 22:03
Skrynšot: videa z kanała ChessBase India
Uładzisłaŭ Kavaloŭ — adzin z najlepšych biełaruskich šachmatystaŭ. Ciapier jon vystupaje pad ściaham Mižnarodnaj šachmatnaj fiederacyi, bo byŭ zvolnieny z naczbornaj (spartoviec — adzin z padpisantaŭ lista suprać hvałtu).
29 śniežnia na čempijanacie jon musiŭ syhrać z Karłsenam. Ale toj spaźniŭsia: trapiŭ u zator. Na placoŭku narviežac ulacieŭ u spartyŭnych štanach i krasoŭkach, kali ad 3 chvilin partyi zastavałasia 30 siekund.
Skrynšot: videa z kanała ChessBase India
Ale heta nie pieraškodziła čempijonu śvietu vyjhrać.
Kavaloŭ paśla raskazvaŭ, što prasiŭ nie zapuskać hadzińnik i dačakacca supiernika.