Miniust pazbaviŭ licenzij 10 advakataŭ. Siarod ich — abaroncy Kaleśnikavaj i Bialackaha
Pryčynami Miniust nazyvaje «dyskredytacyju advakatury» i «niedastatkovuju kvalifikacyju».
30.12.2022 / 17:57
Z 28 śniežnia dziejańnie licenzij spynili ŭ Kamisarava Andreja, Nieviadoŭskaha Andreja, Papkoŭskaha Jahora — u suviazi z vyklučeńniem z terytaryjalnych kalehij advakataŭ za «praviny, niesumiaščalnyja sa zvańniem advakata». Taksama z hetaj daty bieź licenzii Davydčyk Maryja, Kasmač Siarhiej, Mamońka Halina, Mackievič Viktar, Pylčanka Uładzimir, Jahadzinski Uładzimir — nibyta ŭ ich niedastatkova kvalifikacyi.
Uładzimir Pylčanka byŭ advakatam Maryi Kaleśnikavaj, Eduarda Babaryki, Iryny Słaŭnikavaj, Kaciaryny Andrejevaj, Lavona Chałatrana i inšych.
Viktar Mackievič byŭ advakatam Alesia Bialackaha, Siarhieja Cichanoŭskaha, Ihara Alinieviča, Akichiry Hajeŭskaha-Chanada, Jaŭhiena Juškieviča, Viktara Babaryki.
Z 11 studzienia 2023 hoda spyniajuć licenziju, vydadzienuju Čyrvie Alaksandru. Pryčynaj nazyvajuć «praviny, niesumiaščalnyja sa zvańniem advakata».