Biełaruś admoviłasia ad abaviazkovaj siertyfikacyi bytavoj techniki
Saŭmin Biełarusi pryniaŭ pastanovu, jakoj z 1 studzienia prypyniajecca dziejańnie normaŭ ab abaviazkovym paćviardžeńni adpaviednaści dla šerahu tavaraŭ — «bytavych elektryčnych pryboraŭ ź siłkavańniem ad sietki pieramiennaha toku». Heta tyčycca jak impartnych, tak i ajčynnych vyrabaŭ.
29.12.2022 / 17:48
Fota ilustracyjnaje
Abaviazkovaja siertyfikacyja na hetyja tavary dziejničała zvyš 4 hadoŭ, z 2018 hoda. Jana aznačała, što hetaja technika pavinna adpaviadać patrabavańniam enierhaefiektyŭnaści, jakija dziejničajuć na terytoryi JEAES.
Pieralik bytavoj techniki, dla jakoj siertyfikacyja admieniena, vialiki:
- kuchonnyja prybory (chaładzilniki, marazilniki, elektraduchoŭki i elektryčnyja kanforačnyja i varačnyja paneli, pasudamyjnyja mašyny, fryciurnicy, kavavarki, mikrachvaloŭki);
- elektronika i ofisnaja technika (televizary i manitory, chatnija kinateatry, pryntary, skaniery, akustyčnyja sistemy i ŭzmacnialniki huku, multymiedyjnyja prajektary);
- pralnyja mašyny, niekatoryja kandycyjaniery i źniešnija krynicy siłkavańnia, lampy napalvańnia, elektryčnyja muzyčnyja instrumienty.
U pastanovie paviedamlajecca, što admiena siertyfikacyi budzie padoŭžanaja «da asobaha rašeńnia» Savieta Ministraŭ.