Sud pa spravie «Rabočaha ruchu» zrabili zakrytym
Pryčyny nieviadomyja.
28.12.2022 / 11:27
U Homielskim abłasnym sudzie z 9 listapada prachodzić sud pa spravie «Rabočaha ruchu», fihurantami jakoj źjaŭlajucca adrazu dziesiać palitźniavolenych — Siarhiej Šelest, Uładzimir Žuraŭka, Andrej Pahieryła, Hanna Abłab, Alaksandr Hašnikaŭ, Siarhiej Dziuba, Ihar Minc, Valancin Cierenievič, Siarhiej Šamiećka, Alaksandr Kapšul.
Usich abvinavačvajuć u zdradzie dziaržavie, a taksama pa šerahu inšych artykułaŭ Kryminalnaha kodeksa.
Palitviaźniam pahražaje da 15 hadoŭ źniavoleńnia.
Praces razhladaje suddzia Alaksandr Piskunoŭ.
Usie 10 palitviaźniaŭ nie pryznali vinu ŭ zdradzie dziaržavie. Usie jany admovilisia davać pakazańni, tamu na pracesie prahladali videa dopytaŭ z papiaredniaha śledstva ŭ KDB.
27 śniežnia praces zakryli da vyniasieńnia prysudu, chacia da hetaha jon prachodziŭ u adkrytym režymie. Pryčyna nieviadomaja.