Šviedskaja para choča vykupić pravy na Last Christmas i zabaranić pieśniu nazaŭždy
Šviedskaja para Tomas i Channa Maceci źbiraje srodki na vykup pravoŭ na pieśniu Last Christmas brytanskaha dueta Wham!, kab nazaŭsiody zabaranić jaje, piša vydańnie NPR.
27.12.2022 / 18:21
Channa Maceci patłumačyła, što nianaviść da Last Christmas aformiłasia ŭ ich 13 hadoŭ tamu praz toje, što administratar kaviarni ŭ Oksfardzie, dzie jana pracavała, uvieś čas staviŭ hetuju pieśniu na paŭtor.
U 2021 hodzie para Maceci padčas razmovy ź siabrami vyjaviła, što tyja taksama nienavidziać hetuju kampazicyju. Tady źjaviłasia ideja vykupić pravy.
Pravy na pieśniu naležać łejbłu Warner Chappell Music UK i aceńvajucca ŭ 15-25 miljonaŭ dołaraŭ. Ciapier sabrana 62 tysiačy dalaraŭ.
Pieśnia Last Christmas vyjšła ŭ 1984 hodzie. Jana rehularna źjaŭlajecca ŭ chit-paradzie śviatočnych dzion Billboard Holiday Songs Chart i inšych śviatočnych čartach. Taksama ŭ roznyja časy kaviery na hetuju pieśniu vypuskali Bili Pajpier, Ešli Tysdejł, Jimmy Eat World i navat Crazy Frog.