U Słucku kot žyvie ŭ tanku FOTA
U Słucku jość unikalny kot-tankist. Miescam žycharstva jon abraŭ tank na pastamiencie ŭ 11-m haradku. Z taho, što kot žyvie ŭ hetaj stalovaj machinie, dziviacca ŭsie miascovyja žychary. Napeŭna, u jaho taki ž ŭstojlivy charaktar i advaha!
27.12.2022 / 16:24
Ni praliŭnyja vosieńskija daždžy i viecier, ni śnieh i zaviei nie prymusili jaho pierabracca ŭ bolš ciopłaje miesca. U niepahadź i na noč kot nyraje pad tank i załazić unutr, paviedamlaje miascovaje vydańnie kurjer.info.
A zvyčajna jon hulaje pa darožkach skviera. Vielmi łaskavy, spakojny, — padychodzić, padstaŭlaje hałavu, kab pahładzili. Sabak, jakich prabiahaje niamała, nie baicca.
Jaho historyju raspaviała žančyna, jakaja padkormlivaje kocika. Źjaviŭsia jon tut u kancy leta, chtości prosta vykinuŭ maleńkaha kacianiaci pad dreva. Pakul było ciopła, jon siadzieŭ pad biarozaj, zrabiŭ takoje hniaździečka-lažanku. Sa słoŭ miascovaj žycharki, jamu sprabavali znajści sapraŭdny ciopły dom, ale pakul nie znajšli…