У Слуцку кот жыве ў танку ФОТА
У Слуцку ёсць унікальны кот-танкіст. Месцам жыхарства ён абраў танк на пастаменце ў 11-м гарадку. З таго, што кот жыве ў гэтай сталёвай махіне, дзівяцца ўсе мясцовыя жыхары. Напэўна, у яго такі ж ўстойлівы характар і адвага!
27.12.2022 / 16:24
Ні праліўныя восеньскія дажджы і вецер, ні снег і завеі не прымусілі яго перабрацца ў больш цёплае месца. У непагадзь і на ноч кот нырае пад танк і залазіць унутр, паведамляе мясцовае выданне kurjer.info.
А звычайна ён гуляе па дарожках сквера. Вельмі ласкавы, спакойны, — падыходзіць, падстаўляе галаву, каб пагладзілі. Сабак, якіх прабягае нямала, не баіцца.
Яго гісторыю распавяла жанчына, якая падкормлівае коціка. З'явіўся ён тут у канцы лета, хтосьці проста выкінуў маленькага кацяняці пад дрэва. Пакуль было цёпла, ён сядзеў пад бярозай, зрабіў такое гняздзечка-ляжанку. Са слоў мясцовай жыхаркі, яму спрабавалі знайсці сапраўдны цёплы дом, але пакуль не знайшлі…