«Zavočna vy mianie možacie navat rasstralać». Hierasimienia adreahavała na vyniesieny joj prysud
Alaksandra Hierasimienia spakojna i z humaram uspryniała vyniesieny joj siońnia łukašenkaŭskim sudom zavočny prysud.
26.12.2022 / 19:04
Na fota: Alaksandra Hierasimienia, akciory Aleh Harbuz i Ihar Sihaŭ, žurnalistka Natalla Radzina
«Pračytali prysud, paśmiajalisia i praciahnuli dalej śviatkavać. Jak havorycca, zavočna vy mianie možacie navat rasstralać!», — napisała byłaja płyŭčycha ŭ sacsietkach.
Siońnia Alaksandry Hierasimieni sud zavočna prysudziŭ 12 hadoŭ kałonii ahulnaha režymu. Taksama ŭ jaje aryštavanyja hrošy na rachunkach — bolš za 48 tysiač dalaraŭ, mašyna Land Rover, mabilnyja telefony iPhone i Samsung, kvatera, mašynamiesca, chaładzilnik, akustyčnaja sistema.
Razam ź joj taksama zavočna sudzili Alaksandra Apiejkina, jaki sumiesna z Hierasimieniaj stvaraŭ Biełaruski fond spartyŭnaj salidarnaści. Jamu dali 12 hadoŭ kałonii ŭzmocnienaha režymu.
Heta byŭ pieršy zavočny sud, praviedzieny łukašystami, nieŭzabavie ich čakajecca cełaja čarada.