Памёр Максі Джаз, саліст брытанскага гурта Faithless
Саліст брытанскага электроннага гурта Faithless Maxi Jazz (сапраўднае імя — Максвел Фрэйзер) памёр у ноч на суботу ў сваім доме на поўдні Лондана.
24.12.2022 / 21:51
«З цяжкім сэрцам мы паведамляем, што Максі мірна памёр у сне мінулай ноччу. Пасылаем любоў усім вам, хто падзяляў наша музычнае падарожжа. Беражыце адно аднаго», — напісала ў Twitter былая ўдзельніца гурта Sister Bliss.
У 1990-я Faithless набылі папулярнасць такімі хітамі, як «God Is A DJ», «We Come 1» і «Insomnia», якія дасягнулі вяршыняў хіт-парадаў у Вялікабрытаніі і ва ўсім свеце.