Ministerstva abarony: Kolkaść vyklikanych na vajskovyja zbory ŭ nastupnym hodzie nie źmienicca
U nastupnym hodzie na vajskovyja zbory płanujecca vyklikać 9 tysiač čałaviek — stolki ž, kolki ŭ 2022 hodzie. Pra heta paviedamiŭ načalnik hałoŭnaha arhanizacyjna-mabilizacyjnaha ŭpraŭleńnia Hienštaba Alaksandr Šalpuk u efiry «Radyjo-Minsk».
23.12.2022 / 23:29
Pa słovach Šalpuka, sioleta ŭsie zbory ŭžo zaviaršylisia.
«Jana [ličba] zastałasia — što sioleta 9 tysiač, što ŭ nastupnym hodzie 9 tysiač. Heta značyć, jana na siońniašni dzień statyčnaja ličba», — zajaviŭ Šalpuk.
Šalpuk taksama nazvaŭ fejkam infarmacyju ab masavaj vydačy mabilizacyjnych pradpisańniaŭ. Pavodle jaho słoŭ, takija pradpisańni vydajucca tolki niekatorym vajennaabaviazanym, a ŭražańnie pra masavy charaktar uźnikła z-za taho, što na źvierku ulikovych danych vyklikajecca vialikaja kolkaść ludziej.