Назвалі самую папулярную цацку ў Беларусі
Сталі вядомыя самыя папулярныя цацкі ў розных краінах. Такое даследаванне правяла каманда TheToyZone. Для гэтага склалі вялікі спіс цацак і гульняў і прасачылі, колькі разоў яны «гугліліся» ў 161 краіне, у тым ліку і ў Беларусі.
18.12.2022 / 17:10
Паводле гэтага рэйтынгу, самай папулярнай цацкай у Беларусі стала маса для лепкі Play-Doh. Гэта аналаг пластыліну, але з экалагічных матэрыялаў, які не ліпне да рук і не пакідае тлустых слядоў.
Такія ж інтарэсы — у літоўцаў і ўкраінцаў. У той жа час у Расіі на першае месца выйшла настольная гульня Cluedo.
Летась у аналагічным рэйтынгу ў Беларусі перамогу атрымала гульнявая кансоль XBOX SERIES S.