Na volu vyjšaŭ kobryniec Vital Žuk. Pakul jon siadzieŭ, cisnuć pačali na žonku
Palitźniavolenaha kobrynca Vitala Žuka asudzili na 1,5 hoda kałonii za kamientar pra Łukašenku pa art. 368 KK. U babrujskaj kałonii palitviaźnia niekalki razoŭ źmiaščali ŭ štrafny izalatar, a potym adpravili ŭ PKT na piać miesiacaŭ — da zakančeńnia terminu.
17.12.2022 / 18:38
17 śniežnia palitviazień vyjšaŭ na volu z papraŭčaj kałonii № 2, paviedamlajuć pravaabaroncy.
Pakul jon siadzieŭ, cisnuć pačali na jaho žonku Marharytu Kasabuckuju. Pa roznych padstavach siłaviki prychodzili da jaje niekalki razoŭ. Čarhovy pieratrus u siamji byŭ 23 lutaha. Padčas jaho stała zrazumieła, što žančynu taksama padazrajuć u abrazie Łukašenki za frazu «Łukašenka — nielehitymny prezident». Na pieratrus siłaviki pryjšli razam z orhanami apieki, ale zabrać dziaciej nie ŭdałosia, bo ich da siabie ŭziała babula. Samu Marharytu nie zatrymali. Pavodle danych bresckaj «Viasny», ciapier žančyna ŭ biaśpiecy.