Паспрабуйце падлічыць, колькі ідэолагаў толькі ў адным раёне Мінска ФОТАФАКТ
Намеснік кіраўніка Адміністрацыі Лукашэнкі Ігар Луцкі правёў сустрэчу з ідэолагамі Савецкага раёна сталіцы. Фота залы публікуе агенцтва «Мінск-Навіны».
15.12.2022 / 18:52
Фота: «Мінск-Навіны»
На сустрэчы абмяркоўвалі асноўныя напрамкі дзяржаўнай палітыкі ў галіне інфармацыйнай бяспекі.
Луцкі палохаў ідэалагаў інфармацыйнай вайной і расказваў пра традыцыйныя каштоўнасці, якія аказаліся пад пагрозай.
Фота: «Мінск-Навіны»
«Нікога ўжо не здзіўляе выкарыстанне нашымі апанентамі разнастайных метадаў маніпулявання грамадскай думкай. Распаўсюджваецца практыка мэтанакіраванага ціску, здольная нанесці істотную шкоду нацыянальным інтарэсам. Традыцыйныя каштоўнасці беларускага народа не ўпісваюцца ў сістэму глабалісцкай светабудовы і супярэчаць, перашкаджаюць мэтам тых, хто ў гэтай сістэме мае намер дамінаваць», — выказваўся ў прапагандысцкім ключы чыноўнік.
Як бачна на фота, перад выступоўцамі сабралі з сотню ідэолагаў.