Viačorka: Režym nibyta zhodzien na tranzit zbožža biez palityčnych umoŭ, sankcyi admianiacca nie buduć

Daradca Śviatłany Cichanoŭskaj Franak Viačorka prakamientavaŭ infarmacyju, što režym Łukašenki nibyta zhodny na tranzit zbožža biez palityčnych umoŭ i Litva nie budzie suprać.

13.12.2022 / 19:19

Viačorka skazaŭ nastupnaje:

«Siońnia ja razmaŭlaŭ pra heta ź ministram [zamiežnych spraŭ Litvy] Łandśbierhisam. Toje, što nibyta režym zhadziŭsia na tranzit zbožža biez palityčnych umoŭ — heta vynik skaardynavanaj pazicyi mižnarodnaj supolnaści i našych sajuźnikaŭ. Raniej režym vystaŭlaŭ ultymatum: źniaccie sankcyj u abmien na tranzit zbožža.

Zrešty, pakul rana kazać, ci sapraŭdy tranzit budzie adbyvacca. My viedajem, čaho vartyja słovy režymu — siońnia słova daŭ, zaŭtra ŭziaŭ. Jość taksama pytańnie, jakim čynam jano budzie dastaŭlacca. Čyhunačnaje złučeńnie parušanaje.

Pra źniaccie inšych sankcyj nie idzie havorki. Absalutna niedapuščalna zdymać sankcyi, pakul režym nie vykanaŭ nivodnaj umovy, represii tolki ŭzmacniajucca, a Biełaruś usio bolš uciahvajuć u vajnu».

Raniej ministr zamiežnych spraŭ Litvy Habryelus Łandśbierhis prakamientavaŭ prapanovu Biełarusi, jakaja prahučała ŭ AAN, ab tranzicie ŭkrainskaha zbožža ŭ litoŭskija party. Ministr ličyć taki varyjant mahčymym, kali ź im nie buduć źviazanyja nijakija palityčnyja ŭmovy.

Čytajcie taksama:

Litva dapuściła pieravozku ŭkrainskaha zbožža praź Biełaruś, ale biez palityčnych umoŭ

Nashaniva.com