Na biełaruska-litoŭskaj miažy znoŭ pierachapili kantrabandnyja cyharety: hetym razam na 1 miljon jeŭra
Zatrymańnie adbyłosia ŭ Miadzininkai (Miednikach), dzie supracoŭniki litoŭskaj mytni pravieryli z dapamohaj sistemy renthien-kantrolu bienzavoz, jaki pavinien byŭ pieravozić 19 ton zvadkavanaha hazu tranzitam praź Litvu ŭ Kalininhradskuju vobłaść Rasii, i vyjavili ŭ baku mašyny cyharety.
09.12.2022 / 13:33
Usiaho było znojdziena bolš za 286 tysiač pačkaŭ biełaruskich cyharet «Minsk Capital QS», košt jakich składaje bolš za adzin miljon jeŭra.
Vilenskaje addzialeńnie kryminalnaj mytnaj słužby pačało dasudovaje rasśledavańnie pa fakcie kantrabandy cyharet.
Kiroŭcu bienzavoza zatrymali na dvoje sutak, a zatym adpuścili paśla prymianieńnia miery strymańnia — zabirańnie dakumientaŭ i padpisku ab niavyjeździe.