Charvatyja dałučycca da Šenhienskaj zony z novaha hoda, a Rumynija z Bałharyjaj pakul nie
Charvatyja z 1 studzienia 2023 hoda dałučycca da Šenhienskaha pahadnieńnia, a Rumynija i Bałharyja praciahnuć čakać svajoj čarhi, niahledziačy na vykanańnie nieabchodnych techničnych patrabavańniaŭ. Suprać ich dałučeńnia da Šenhienu vykazvajecca Aŭstryja, jakaja nie vyklučaje rostu nielehalnaj mihracyi praz hetyja krainy.
08.12.2022 / 21:33
Niderłandy taksama mieli pretenzii, choć i nie da abiedźviuch krain. Ich zadavalniała situacyja ŭ Rumynii, ale niepakoiła Bałharyja — najpierš «z-za niedachopaŭ zakanadaŭstva ŭ śfiery baraćby z karupcyjaj i arhanizavanaj złačynnaściu».
Što da Charvatyi, to z 1 studzienia 2023 hoda budzie admienieny pamiežny kantrol na suchaputnych i marskich pamiežnych pierachodach Charvatyi, a 26 sakavika 2023-ha — u aeraportach.
Pry hetym Bałharyja i Rumynija dałučylisia da Jeŭrasajuza raniej za Charvatyju, prytym davoli značna, na šeść z pałovaj hadoŭ raniej. Bałhary i rumyny siabry ES z 1 studzienia 2007 hoda, a charvaty — z 1 lipienia 2013-ha.