U niekatorych kramach Minska niama varanaj zhuščonki. Čamu tak?
Ź minułych vychadnych u minčukoŭ źjavilisia składanaści z pošukam i kuplaj varanaj zhuščonki, piša vydańnie Blizko.by. Pavodle infarmacyi čytački, užo niekalki dzion składana znajści hety pradukt jak u «Jeŭraopcie», tak i ŭ «Hipa» dy «Vitalury». U čym moža być pryčyna?
08.12.2022 / 18:54
Małočny addzieł u kramie «Ałmi» na praśpiekcie Dziaržynskaha, 91
Spačatku karespandent Blizko.by pravieryŭ asartymient małočnych addziełaŭ u praduktovych kramach, a taksama patelefanavaŭ na haračuju liniju handlovych sietak i vytvorcam małočnych kansiervaŭ.
Pieršym na čarzie byŭ «Jeŭraopt» na praśpiekcie Dziaržynskaha, 104b.
Na palicach addzieła z małočnaj pradukcyjaj staić zhuščanaje małako z kakavaj i sucelnaje abiastłuščanaje. Ale samastojna znajści varanuju zhuščonku nie ŭdałosia, tamu daviałosia źviarnucca pa dapamohu da supracoŭnicy kramy.
«Varanaj zhuščonki ŭ nas daŭno niama, — tłumačyć pradaviec. — I navat nie viedaju, kali źjavicca».
Małočny addzieł u kramie «Jeŭraopt» na Dziaržynskaha, 104B
Z hetym ža pytańniem patelefanavali na haračuju liniju handlovaj sietki, dzie apieratar Anastasija patłumačyła, što prablema zaklučajecca ŭ pastaŭkach:
«Jany da nas nie pryjazdžajuć. Mahčyma, sam vytvorca nie vykonvaje zamovu».
Małočny addzieł u kramie «Jeŭraopt» na Dziaržynskaha, 104B
U kramie «Vitalur» na Hareckaha, 32 taksama adsutničaje varanaja zhuščonka. Supracoŭnica siektara kłopatu ab kłijentach, kudy Blizko.by patelefanavaŭ z metaj atrymańnia infarmacyi, raspaviała, što adsutnaść hetaha praduktu źviazanaja ź ciažkaściami ŭ supracoŭnictvie z vytvorcami.
«Naš addzieł zbytu prykładaje ŭsie namahańni, kab papoŭnić asartymient kram, — raspaviała Hanna. — Spadziajemsia, što ŭ najbližejšy čas usio naładzicca».
U «Ałmi» na Dziaržynskaha, 91 i ŭ «Hipa» na Hareckaha, 2 taksama varanuju zhuščonku znajści nie zmahli.
Małočny addzieł «Ałmi» na praśpiekcie Dziaržynskaha, 91
Pa dadatkovuju infarmacyju žurnalisty źviarnulisia da vytvorcaŭ.
Vadzim Pažarycki, načalnik addzieła markietynhu «Rahačoŭskaha małočnakansiervavaha kambinata», nazvaŭ niekalki pryčyn uźnikłaha deficytu ŭ niekatorych praduktovych kramach Minska:
«Pa-pieršaje, nie ŭsie sietki ŭ nas zakazvajuć varanuju zhuščonku. Pa-druhoje, mahutnaści našaha abstalavańnia mohuć vyrablać u dzień tolki 20 ton hetaha praduktu, a popyt štohod pavialičvajecca».
A pa-treciaje, pa słovach načalnika addzieła markietynhu, u adnoj z handlovych sietak, pieraličanych vyšej, majucca prablemy z apłataj.
Načalnica addzieła zbytu «Hłybockaha małočnakansiervavaha kambinata» Luboŭ Čarapkoŭskaja pieraličyła padobnyja pryčyny:
«My pastaŭlajem va ŭsie sietki, jakija ŭ nas jaje zakazvajuć, — padkreśliła jana. — Akramia tych, chto maje składanaści z apłataj».