Крэмль заявіў, што рыхтуе адказ на ўвядзенне эмбарга і столі цэн на нафту
Увядзенне «Вялікай сямёркай», Еўрасаюзам і Аўстраліяй столі цэн на расійскую нафту не паўплывае на фінансаванне вайны ва Украіне, заявілі ў Крамлі.
05.12.2022 / 15:52
«Эканоміка Расійскай Федэрацыі валодае неабходным патэнцыялам для забеспячэння ў поўнай меры ўсіх патрэбаў у рамках спецыяльнай ваеннай аперацыі. І такія меры на гэта не паўплываюць», — сказаў прэс-сакратар расійскага прэзідэнта Дзмітрый Пяскоў.
Ён таксама паведаміў, што Масква рыхтуе адказ на ўвядзенне ЕС эмбарга на пастаўкі расійскай нафты і столі цэн на яе.
«Рыхтуецца рашэнне, — сказаў Пяскоў. — Відавочным з'яўляецца адно — ніякіх столяў мы прызнаваць не будзем».