Vašynhton sprabuje sarvać pastaŭki iranskaj zbroi ŭ Rasiju
Palityka ZŠA ŭ dačynieńni da Irana zasiarodzicca na niedapuščeńni traplańnia iranskaj zbroi ŭ Rasiju i na padtrymcy pratestoŭcaŭ u krainie, a nie na pieramovach pa adnaŭleńni jadziernaj uhody, jakija zajšli ŭ tupik. Pra heta Bloomberg zajaviŭ śpiecyjalny pasłańnik ZŠA pa Iranie Robiert Meli.
04.12.2022 / 08:45
«Iran nie zacikaŭleny ŭ pahadnieńni, i my skancentravanyja na inšych rečach, — zajaviŭ Meli. — Prosta ciapier my možam źmianić situacyju, sprabujučy strymać i sarvać pastaŭki zbroi ŭ Rasiju i sprabujučy padtrymać asnoŭnyja spadziavańni iranskaha naroda».
Rasijskija ŭłady admaŭlajuć vykarystańnie iranskaj zbroi, choć dla ekśpiertaŭ absalutna vidavočna, što bieśpiłotniki «Hierań-2», jakija masava vykarystoŭvalisia ŭ tym liku dla atak na ŭkrainskija enierhaabjekty, — heta zakuplenyja ŭ Iranie «Šachiedy».
U suviazi ź ich pastaŭkaj u Rasiju suprać Irana ŭvodzilisia sankcyi. Paviedamleńni ab mahčymych pastaŭkach iranskich rakiet Rasii pakul nie znajšli pacvierdžańnia.