Paŭdniovaja Kareja ŭ dadatkovy čas vyrvała pieramohu ŭ Partuhalii i prakinuła Uruhvaj mima płej-of
Zbornaja Paŭdniovaj Karei zavajavała pucioŭku ŭ 1/8 finału ČS-2022. U 3-m tury hrupy N karejcy pieramahli partuhalcaŭ — 2:1.
02.12.2022 / 20:25
Lik u hulni adkryŭ napadajučy zbornaj Partuhalii Rykardu Orta. Na 27-j chvilinie Kim Jon Von adnaviŭ raŭnavahu, a pieramožny miač ź pieradačy Son Chyn Mina užo ŭ dadadzieny da asnoŭnaha čas zabiŭ Chvan Chi Čchan.
Inšy pretendent na vychad u płej-of, Uruhvaj u matčy, jaki adbyvaŭsia paralelna, ź likam 2:0 pieramoh Hanu, ale sastupiŭ karejcam pa roźnicy zabitych miačoŭ. Tut uruhvajski paŭabaronca De Araskaeta aformiŭ dubl.
Vyjhrała hrupu Partuhałija, jakaja nabrała 6 ačkoŭ, u aŭtsajdera hrupy Hany — usiaho 3.
Admietna, što ŭpieršyniu z 2010 hoda vyjšli z hrupy dźvie azijackija kamandy-susiedki — Japonija i Paŭdniovaja Kareja. Tady jany, praŭda, abiedźvie prajhrali ŭžo ŭ 1/8 finału, jak budzie hetym razam — pakaža najbližejšy čas.