Ź IT-kampanij upieršyniu paśla pačatku vajny zvolnili mienš za 2000 čałaviek za miesiac
Niahledziačy na toje, što adtok u IT-kampanij zapavoliŭsia, ahulny trend usio ž praciahvajecca — kolkaść supracoŭnikaŭ u ich źmianšajecca, choć i nie takimi tempami, piša Dev.by.
01.12.2022 / 18:37
IT-kampanii zvalniajuć ciapier mienš, navat niahledziačy na efiekty mabilizacyi ŭ Rasii. U kastryčniku ź IT-kampanij syšło bolš za 1,9 tysiačy śpiecyjalistaŭ — na 14% mienš, čym u vieraśni.
U toj ža čas kampanijam pakul nie ŭdałosia razmarozić najm. Za kastryčnik jany ŭziali na pracu bolš za 900 čałaviek. Heta minimum za apošnija 5 miesiacaŭ i na 54,5% mienš, čym za kastryčnik minułaha hoda. Tamu z ulikam nievysokaha (adnosna 2021) najmu adtok zapavolvajecca, ale ŭsio adno praciahvajecca.
Usiaho za 10 miesiacaŭ 2022 hoda kampanii naniali bolš za 11 000 śpiecyjalistaŭ, a zvolniłasia bolš za 25 000 (što až na 78% bolš, čym za taki ž pieryjad 2021-ha).
Takim čynam, čysty adtok za kastryčnik — krychu bolš za tysiaču supracoŭnikaŭ, za 10 miesiacaŭ — bolš za 14 tysiač.