Справу Дар'і Лосік перадалі для накіравання ў суд
Справу жонкі палітзняволенага Ігара Лосіка перадалі пракурору для накіравання ў суд, паведаміў адзін з міліцэйскіх тэлеграм-каналаў.
01.12.2022 / 15:38
Нагадаем, Дар'ю Лосік затрымалі 18 кастрычніка. Паводле паведамленняў праўладных тэлеграм-каналаў, Дар’ю Лосік абвінавачваюць у садзейнічанні экстрэмісцкай дзейнасці ў выглядзе размовы з тэлеканалам «Белсат» вясной 2022 года.
Свой дзень народзінаў 30 лістапада яна сустрэла за кратамі ў брэсцкім СІЗА-7.
Дачка ж Ігара і Дар'і цяпер знаходзіцца ў бабулі з дзядулем.
Падтрымайце Дар'ю: СІЗА-7, 224030, Брэст, Савецкіх Пагранічнікаў, 37, Дар'і Аляксандраўне Лосік