Жыхару Бярозы далі два гады хіміі пра допіс пра Лукашэнку
У судзе Бярозаўскага раёна 23 лістапада асудзілі Уладзіміра Салдатава паводле ч. 1 арт. 368 (абраза Лукашэнкі) Крымінальнага кодэкса.
01.12.2022 / 15:29
Суд Бярозаўскага раёна
Суддзя Людміла Рудзіна прызначыла мужчыну два гады абмежавання волі з накіраваннем у папраўчую ўстанову адкрытага тыпу («хімія»), паведамляе «Вясна».
Уладзіміра абвінавацілі ў тым, што ў снежні 2020 года ён на сваёй старонцы ў сацсетцы пакінуў допіс, які «прыніжае гонар і годнасць галавы дзяржавы».