HUBAZiK razhramiŭ kvateru maci zahinułaha va Ukrainie bajca Paŭła «Vołata»
HUBAZiK praciahvaje hramić kvatery ludziej, da jakich nie moža daciahnucca. Hetym razam jany razhramili kvateru maci zahinułaha va Ukrainie bajca Paŭła «Vołata» Natalli Susłavaj.
01.12.2022 / 12:36
Tradycyjna jany nazyvajuć pahrom «kvaternym pytańniem», publikujučy kadry da i paśla pahromu.
Raniej byli razhromlenyja kvatery šerahu palituciekačoŭ ci ich svajakoŭ. Siarod ich — Janina Sazanovič, Vadzim Prakopjeŭ, Andrej Pavuk, Juljana Šamietaviec, Anton Matolka, kvatery pres-sakratara pałka Kalinoŭskaha Kryściny «Čabor» i jaje muža, byŭ razhromleny taksama dom, dzie raniej žyła siamja Valeryja i Vieraniki Capkałaŭ.