Vienijamina ŭznaharodzili załatym miedalom Savieckaha fondu miru
Patryjaršy Ekzarch usiaje Biełarusi Vienijamin padčas spravazdačna-vybarnaj kanfierencyi Biełaruskaha fondu miru 30 listapada atrymaŭ załaty miedal Savieckaha fondu miru. Uznaharodu arhanizacyi daŭno niaisnaj krainy ŭručyŭ jamu adyjozny rasijski palityk Siarhiej Baburyn.
30.11.2022 / 22:42
Takim čynam Vienijamin byŭ ušanavany, jak paviedamlajecca, «za značny asabisty ŭkład u spravu miru, družby, zhody pamiž ludźmi i narodami».
Rasijski palityk Siarhiej Baburyn viadomy jašče z poźniesavieckich časoŭ. Jon abiraŭsia deputatam u Viarchoŭny Saviet RSFSR i Dziarždumu Rasii, byŭ viadomy i jak dziejač levaj aryjentacyi, i jak rasijski nacyjanalist. Jon adzin z suzasnavalnikaŭ tak zvanaj hramadzianskaj inicyjatyvy «Sajuz», jakaja paśla 2020 hoda biespaśpiachova sprabavała stvaryć u Biełarusi prarasijskuju partyju.
Varta adznačyć, što ŭ SSSR, nastalhiju pa jakim ekspłuatujuć palityki kštałtu Baburyna, što prajaviłasia i ŭ naźvie «Saviecki fond miru», jakoha jon źjaŭlajecca adnym z kiraŭnikoŭ, pravodziłasia surovaja antyrelihijnaja palityka, u tym liku i ŭ dačynieńni da pravasłaŭja. Ale heta i tady nie zaminała ijerarcham Ruskaj pravasłaŭnaj carkvy ciesna supracoŭničać z savieckaj dziaržavaj.