U Jeŭrakamisii patłumačyli svaju pamyłku pra nibyta 100 tysiač zahinułych ukrainskich sałdat
U Jeŭrapiejskaj kamisii pryznali pamyłku adnosna ahučanych u sieradu kiraŭnikom JEK Ursułaj fon der Lajen ličbaŭ pra straty ŭkrainskich vajskoŭcaŭ, jakija nibyta skłali 100 tysiač čałaviek zabitymi.
30.11.2022 / 15:02
Niepraŭdzivyja danyja prakamientavała ŭ svaim tvitary namieśnik hałoŭnaha pradstaŭnika Jeŭrakamisii i dyrektar pa pytańniach palityčnaj kamunikacyi Dana Śpinant, paviedamlaje «Jeŭrapiejskaja praŭda».
Jana adznačyła, što ŭ papiaredniaj viersii zvarotu fon der Lajen źmiaščałasia «niedakładnaść» u ličbach, i padziakavała tym, chto pakazaŭ na pamyłku.
Śpinant patłumačyła, što acenka, ahučanaja fon der Lajen, uziataja z vonkavych krynic, i pavinna była tyčycca strat zabitymi i paranienymi i była zaklikanaja pakazać žorstkaść Rasii».
Paśla taho, jak fon der Lajen u sieradu paviedamiła, što va Ukrainie zahinuła bolš za 20 tysiač mirnych žycharoŭ i 100 tysiač ukrainskich vajskoŭcaŭ, jaje zvarot byŭ adredahavany: ź jaho vyklučyli zhadku pra straty.
Na prośbu «Ukrainskaj praŭdy» prakamientavać acenku, ahučanuju fon der Lajen u pieršaj viersii jaje zvarotu, kiraŭnik upraŭleńnia suviaziaŭ z hramadskaściu USU Bahdan Sienik adznačyŭ, što Hienštab nie moža pacvierdzić hetuju ličbu, a straty ŭkrainskaj armii źjaŭlajucca słužbovaj infarmacyjaj i padpadajuć pad hryf abmiežavanaha apublikavańnia.