Amierykaniec kupiŭ 300 ajfonaŭ. Jaho adrazu abrabavali na vychadzie z kramy
27-hadovy mužčyna, imia jakoha nie raskryvajecca, u paniadziełak kupiŭ 300 ajfonaŭ u Apple Store na 5-j avieniu. Adrazu ž paśla vychadu z kramy jaho abrabavali.
30.11.2022 / 12:15
Mužčyna nios 300 iPhone 13 u troch pakietach a druhoj hadzinie nočy. Kali jon padychodziŭ da svajoj mašyny, pobač ź im spyniŭsia inšy aŭtamabil.
Ź jaho vyskačyła dvoje mužčyn i zapatrabavała addać pakiety. Nie žadajučy addavać ajfony, mužčyna ŭviazaŭsia ŭ bojku z rabaŭnikami. U kančatkovym vyniku jon atrymaŭ mocny ŭdar pa tvary, paśla čaho zładziei zabrali adzin pakiet. U im było 125 ajfonaŭ koštam $95 tys.
Palicyja paviedamiła, što mužčyna časta kuplaŭ ajfony vialikimi partyjami dla pieraprodažu ŭ svajoj kramie. Apple Store na 5-j avieniu pracuje kruhłasutačna. Zładziei, mahčyma, sačyli za mužčynam, pierš čym abrabavać jaho.