У Беларусь ляціць борт ВПС Венгрыі. Хто там, невядома
У паветраную прастору Беларусі зайшоў борт Airbus A319-112 з рэгістрацыйным нумарам 604, які вылецеў у 08:11 (мінскі час) з Будапешта і накіроўваецца ў Нацыянальны аэрапорт «Мінск», піша Антон Матолька.
29.11.2022 / 09:25
Хто ляціць на борце, пакуль невядома.
Антон Матолька адзначае, што сёння, напрыклад, адбудзецца цырымонія развітання з Уладзімірам Макеем.
Таму не выключана, што пасажыр гэтага борта ляціць менавіта для ўдзелу ў цырымоніі.