Vyjšaŭ na volu palitźniavoleny Jaŭhien Kahoćka
Jaŭhiena Kahoćku asudzili ŭ žniŭni 2021 hoda da šaści miesiacaŭ «chatniaj chimii». Ale paśla taho jak prakuratura abskardziła prysud, pakarańnie Jaŭhienu było źmieniena na adzin hod «chimii». Termin chłopiec adbyvaŭ u viciebskaj PUAT № 9. Dniami jon vyjšaŭ na volu pa zakančeńni terminu, piša «Viasna».
25.11.2022 / 19:21
Asudzili Jaŭhiena Kahoćku pavodle artykuła 370 Kryminalnaha kodeksa za «ździek ź dziaržaŭnaha ściaha».
Pavodle abvinavačańnia, jon razam ź siabram pad pieśniu «Voiny śvieta», «demanstrujučy bravadu ruchami ŭ takt muzycy i pakazvajučy vyklučny cynizm», razarvaŭ na frahmienty dziaržaŭny ściah Biełarusi, a častku ściaha čyrvonaha koleru prykłaŭ da frahmienta biełaj tkaniny, čym stvaryŭ bieł-čyrvona-bieły ściah. Paśla hetaha jany raźmiaścili videazapis na staroncy Kahoćki ŭ tyktoku.