Na miažy čarhovy antyrekord. U adnym z punktaŭ propusku na vyjezd ź Biełarusi sabrałasia bolš za 1050 fur
Čerhi z hruzavikoŭ na miežach Biełarusi i ES praciahvajuć raści.
25.11.2022 / 20:15
Piać dzion tamu Dziaržaŭny pamiežny kamitet paviedamlaŭ ab tym, što ŭ čerhach na vyjezd ź Biełarusi sabrałasia bolš za 3,5 tysiačy fur. Jak pakazvaje statystyka, za piać dzion situacyja tolki pahoršyłasia.
Pa stanie na 18 hadzin 25 listapada, najbolšaja čarha ź vialikahruzaŭ sabrałasia ŭ punkcie propusku «Kamienny Łoh». Tam vyjezdu ź Biełarusi ŭ Litvu čakaje bolš za 1050 hruzavikoŭ.
Fota: skrynšot z sajta gpk.gov.by
Taksama napružanaj situacyja zastajecca na «Bierastavicy». Tam, zhodna sa statystykaj ad DPK, pačynajučy z 9 listapada ŭ čarzie pastajanna staić bolš za 650-660 hruzavikoŭ.
Ahułam pa stanie na 18 hadzin 25 listapada vyjezdu ź Biełarusi ŭ krainy ES čakajuć bolš za 3860 hruzavikoŭ.